D'Gäertnerin
Moien, ech sinn d'Chefgäertnerin. Ech këmmere mech ëm d'Parken an d'Gäert vum groussherzogleche Palais a vun de Schlässer zu Bierg an zu Fëschbech. Mir sinn zu enger Dosen, déi sech ëm d'Beem an d'Blumme këmmeren. Dorënner sinn e "Pépiniériste" deen déi jonk Beem grousszillt an e Florist, deen d'Blummebouqueten an d'Blummendekoratioune preparéiert.
Dem Grand-Duc ass de Respekt fir d'Ëmwelt immens wichteg an dofir benotze mir keng chemesch Produkter oder Pestiziden. D'Onkraut gëtt erausgezunn oder verbrannt. An den Eschebeem ginn et Vullenhaisercher fir d'Villercher.
E Florist këmmert sech ëm d'Blummendekoratioune fir all offiziell Zeremonien, Gala-Iessen, an natierlech ëm de Chrëschtbeemchen. Eis Equipe huet och e "Floriculteur" (dee sech ëm d'Blumme këmmert", en "Horticulteur" (dee sech ëm d'Gäert këmmert", e "Paysagiste- pépiniériste" an e Mecanicien dee sech ëm all d'Maschinne këmmert.
Am Park vu Colmar-Bierg gëtt eng al Zär nees renovéiert, wou mir geschwë Blummen, mä och Geméis a Kraider fir d'Kiche planze kënnen.