Den Ierfgroussherzog
Moien, ech heesche Guillaume. Ech sinn den Ierfgroussherzog. Dat heescht, datt ech den Nofollger vu mengem Papp, dem Grand-Duc Henri, sinn. Ech bereede mech op déi wichteg Funktioun vir, andeems ech bei villen offiziellen Aktivitéiten dobäi sinn. Ech sinn de Mann vun der Ierfgroussherzogin Stéphanie an de Papp vum Prënz Charles a vum Prënz François.
De Prënz Guillaume ass zu Lëtzebuerg an d’Primärschoul gaangen. Hien huet Literatur a Politikwëssenschafte studéiert. Hien interesséiert sech fir d’Sproochen: hie schwätzt fléissend lëtzebuergesch, franséisch, däitsch, englesch a spuenesch. Duerch säi Grousspapp a säi Papp huet hien d’Natur an den Ëmweltschutz entdeckt, hie gëtt selwer Scout an huet wichteg Responsabilitéiten an der weltwäiter Fondatioun vun de Scouten.
Wéi säi Papp Henri a säi Grousspapp Jean, huet de Guillaume seng militäresch Ausbildung zu Sandhurst, a Groussbritannien, gemaach. Hien ass haut Colonel vun der Lëtzebuerger Arméi. Zesumme mat der Regierung besicht hie Lëtzebuerger Firmen op Missiounen am Ausland an hëlleft hinnen domat, hir lëtzebuergesch Produiten do ze verkafen. Esou bereet hie sech op seng zukünfteg Responsabilitéiten als Staatschef vir.
